شفت الحزين اللي عزف ونة النـاي ؟
وكسا بحور الشعر ..حـزن المعانـي
وألحق على ميل البخت .. ضيعة الراي
واستوقفه حزنه..علـى حـزن ثانـي
مثله أنا ساعـة تعثّـر بـي خطـاي
مثلـه أنـا حـزة قدرهـم ..رمانـي
دم القلم ..على الورق ..ترجم بكـاي
وبكاي ..تفرح بـه مشاعـر زمانـي
نفس الوجيه اللـي تباشـر بفرقـاي
ونفس المكان اللي غدر فـي مكانـي
أشوفهـم تهامسوبـي وأنـا جــاي
وأدريبـهـم يغيظـهـم عنفـوانـي
قمـة سعادتهـم يشوفـون.. بلـواي
وأحلامهم تفـرح ..لكبـوة حصانـي
توقعـوا إنـي أجيهـم مـن أقصـاي
وأسمى هدفهم ..طيحتـي وامتهانـي
وأنا لـك الله همـي بعـرف شـرواي
وإلا هـذولا حقدهـم ..مـا دهـانـي
وإذا نفونـي عالـم الطهـر منفـاي
وإذا أهمسوبـي ..غلهـم ماعنـانـي
والله مـا جمعتهـم حولـي ..عـداي
لكن نجاحـي ..يكرهـه كـل أنانـي
طموحي أكبـر مـن تفاهـات دنيـاي
ومـوال شعري..ماتشيلـه أغـانـي
وحزن الطريق اللي لفانـي بمسـراي
بيت القصيد .. يزحزحه فـي ثوانـي
وحرف القصيد اللـي تحلّـم بلقيـاي
حققـت حلمـه ..واحتفـى لا لقانـي
جمّع حروفه ..واحتفى فـي محيـاي
واستلهـم أفكـار الجمـال ونصانـي
صوت المحبة مصدره همسـة شفـاي
والزيف عمـره مانطـق بـه لسانـي
أدري يغيض قلوبهـم صـدق معنـاي
وبلاغـة حروفـي وقــوة بيـانـي
وخبّرهذاك اللي عـزف ونـة النـاي
هـو الوحيـد اللـي يزعـزع كيانـي
وبشّر هذيك اللـي تباشـر بطريـاي
إن الشعـور اللـي حواهـا حوانـي
مماراق ليــــ