: : : : : : : : : :
اليأس فيني منفعـل ويحتويني بوحـــــــدتي
والصبر ماأضنّه يفيد والروح فيها أكتئاب
: : : :
الهمّ والحظ التعيس هـذي مقـادير دنيتــي
والضيق والحزن الشديد عنوان لأنواع العذاب
: : : :
من زود مابي من علل أعثر وأقصّر خطوتي
ملّيت ولحظاتي ملل وفكرت أنوي الإنسحاب
: : : :
خسران وبخسر مابقي ولاني مغيّر فكرتــي
يبقى الأسد هو الأسد ما ينبح نباح الكــلاب
: : : :
من كلّ شيء(ن) أشتكي وأجهل طبيعة فرحتي
أشوفها فوق القمر واليا قرّبت حول السحاب
: : : :
بالطيب أرقى وارتقي وما أرجع أكرر غلطتي
ومع الوفاء بلقاء الوفي وافي ولو طال الغياب
: : : :
وضحّيت لأجلك ما بقي وأوفيت حتى بكلمتي
وأرخصت أغلى مامعي أرخصتها رخص التراب
: : : :
ما أمنّ عليك باللي حصل ولكن أسمع شكوتي
هذي مجرد فضفضه ويمكن تسمّيها عتـــاب
: : : :
هذي مجرد فضفضه وأنا لوحدي بغرفـــتـي
زولك طراء لي ياعسل وأبرقت لك هذا الخطاب
: : : :
حسّيت إني بـفـقـدك ولـو أفــقــدك يا حسرتي
بعيش كنّي المنهزم أمن السهل عقب الصعاب
: : : :
الودّ ودّي لو أبي هالعـالم كلّه سبـــحتــــــي
وأعطيك ضعف اللي تريد من بدّ خلق الله تـثاب
: : : :
صدقني ماغيرك أحـــــــــــدً أكـــــنّ له محبتي
مالك منافس عاللقب في الدور الأوّل والإيـاب
: : : :
يا تاج راسي أقترب قربك يكمّل راحــــتــي
فيك الأمل وإن ضاع عمري ياحبيبي مايغـاب
: : : : : : : : : :
،؛..:: اليـــأس فينـي منفعــل ::..،؛ 
العرض العادي
