| |||||||
| المجلس العام °• مواضيع ليس لها قسم محدد •° |
11-04-2008, 11:11 PM
| #1 (permalink) |
| °●[ عضو نشيط]●°  تاريخ التسجيل: 7 - 6 - 2008
المشاركات: 126
معدل تقييم المستوى: 81    
|  حوار بين جده وحفيدتها سنــه 2085!!!  المكان : أحد أحياء القاهرة الزمان : يوم من أيام صيف عام 2085 ======================== حفيدة في سن المراهقة (12 سنة) تجلس مع جدتها (70 سنة) ويدور بينهما هذا الحوار الحفيدة : تيته ميرو إزيك..بقى لي زمان ما قعدتش معاكي الجدة : وهو أنا عارفة أتلم عليكي خالص.. ده أنا قاعدة زهقانة قوي ومش لاقية حاجة تسليني الحفيدة : ومابتفتحيش الدش ليه يا تيته الجدة : التليفزيون بقى ممل خالص مافيهوش غير سبعتلاف وخمسميت محطة بس!.وأنا كمان ما بعرفش أغير المحطات ! الحفيدة : وإيه الحلاوة دي؟ حلو البادي اللي انتي لابساه ده..بس ده موضة قديمة قوي ياتيته الجدة : يا بنتي أنا ست دقة قديمة وبالبس زي ما جيلنا الصاعد اتعود وحسب التقاليد القديمة بتاعتنا الحفيدة : أيوه بس مش حاسة إنك مخنوقة وانتي لابساه؟ الجدة : أبداً ده هو ده اللبس المحتشم اللي مفروض الكل يلبسه ويحافظ عليه..فين أيام زمان لما كنا نلبس البادي اللي مبين البطن والظهر بس، مع البنطلون السترتش الجلد …كانت حاجة آخر روشنة الحفيدة : ياه يا تيته.. ده انتوا كان ليكم تقاليد غريبة خالص ! الجدة : وهو انتي فاكرة إن أيامكم دي أيام؟ يا بنتي أيامكم دي ما يعلم بيها إلا ربنا .. فين أيام سنة 2005 هي الواحدة فينا كانت تستجري تشرب سيجارة البانجو ولا تسحب لها سطر بودرة قدام أبوها؟ طب ده الدنيا كانت تتقلب ساعتها وما تتعدلش .. أمال إيه .. كان فيه حاجة اسمها أخلاق الحفيدة : معقول يا تيته؟ للدرجة الفظيعة دي!!؟ الجدة : أمال انتي فاكرة إيه .. وبعدين كانت الست من دول ما تلبسش اللبس الخليع بتاع اليومين دول..يعني الجيبة كان ما يقلش طولها عن شبر ربع .. وكانوا الستات يلبسوا فوقيها بلوزة باستمرار ..مش زي دلوقتي! حسبي الله نعم الوكيل الحفيدة : يا خبر .. وإيه كمان ياتيته الجدة : ح أقول لك إيه ولا إيه يعني خدي عندك مثلاً .. زمان كنا نسمع الطرب الأصيل لمطربين حقيقيين :مصطفى قمر وعمرو دياب وطبعاً كانت سيدة الغناء شاكيرا، وكانت الأغنية مدتها أكثر من دقيقتين متواصلين من الطرب الأصيل والموسيقى الهادية الراسية اللي تعمر النافوخ بصحيح كانوا مطربين روشين وآخر طحن، حسبي الله ونعم الوكيل الحفيدة : وبعدين ياتيته؟ الجدة : وبعدين كنا نسمع على حاجة اسمها اسطوانات ليزر،ودي صحيح انقرضت، بس كان ليها طعم عن دلوقتي، يا سلام لما كنا نحطها في الووكمان ونعلقها في حزام البنطلون كده ونمشي في الشارع كده، كانت أيام جميلة.حسبي الله ونعم الوكيل الحفيدة : حكاويكى ممتعة قوي يا تيته .. ثانية واحدة بس لما أصحي سمسم صاحبي فى المدرسة لأنه بايت معايا في الأودة من امبارح ..أصل الإنسان الآلي بتاع الصحيان بايظ ولازم نصلحه النهاردة الجدة : طيب ياحبيبتي روحي (بعد عدة دقائق) الحفيدة : هيه يا تيته.. وبعدين؟ الجدة : أحلى أيام بقى كانت أيام الدراسة، الفصل كان على أيامنا رايق وعدد التلاميذ فيه ما يزيدش عن ستين سبعين تلميذة، وكنا ساعتها بنعرف نفهم الدرس كويس مش زى دلوقتي وكانت الشوارع أيامها فاضية يعني كانت إشارة المرور تقعد ساعة إلا ربع بس لأن مصر كلها كان تعدادها 70 مليون مش أكثر، تخيلي بقى الروقان اللي كنا فيه؟ حسبي الله ونعم الوكيل الحفيدة : 70 مليون بس؟ الجدة : أمال إيه .. عشان كده كانت كل حاجة رخيصة ، يعني مثلاً كيلو اللحمة يوم ما يضربه الدم كان يبقى بخمسة وعشرين جنيه أو بتلاتين جنيه، وكان أتخن جوز جزمة بـ 250 جنيه، وكان الواحد يقدر يشتري شقة تمليك بـ150 ألف جنيه بس..وكان الدولار بخمسة جنيه بس.. تخيلي بقى؟ الحفيدة : ما هو علشان كده الجواز على أيامكم كان سهل خالص، إحنا بقى خلصنا من العُقد دي الجدة : أُمال إيه .. ده احنا الواحدة مننا كانت بمجرد ما توصل سن 17 سنة تبتدي تفكر في الجواز العرفى على طول، وما كانش عندنا الأفكار الغريبة اللي بتعملوها دلوقتي، أنا شخصياً شايفة إن ده أوفر شوية، ده احنا يا بنتي على أيامنا كان لا يمكن البنت تتأخر بره البيت عن الساعة أربعة الصبح، طب ده باباها كان ممكن ساعتها يخاصمها ! الحفيدة : ياي! ده انتوا كنتوا متزمتين خالص ياتيته !!! الجدة : يا بنتي إحنا اتربينا على الأخلاق والفضيلة والعادات والتقاليد . يعنى كان أهل الفن محتشمين جداً وكانوا دايماً يطلعوا بالمايوهات البيكيني، والمذيعات كانوا يقعدوا جنب الضيف مش على ركبته زي دلوقتي .. هيـ يـ يـ يـ ـه الله يرحم دي أيام.. فكرتيني بالذي مضى حبي الله ونعم الوكيل (تمسك الجدة بتليفون محمول في حجم علبة الكبريت) الحفيدة : ح تكلمي مين يا تيته؟ الجدة : الحقيقة أنا كنت موصية الجزار على اتنين كيلو لحمة و اديته 600 دولار عربون وعايزة أطلبه أشوف إذا كانت اللحمة وصلت ولا لأ .. الحفيدة : (تنهض من مكانها) تشاو سي يو تيته ! الجدة : سي يو وبعد مرور عدة ساعات انتابت الجدة خلالها غيبوبة بسبب الشيخوخة و في المساء دار هذا الحوار هه..أفتح لك التليفزيون يا تيته عشان تشوفي نشرة الأخبار؟ الحفيدة تضغط الريموت كنترول لنرى شاشة كبيرة بطول وعرض حائط الغرفة، وتظهر صوت مذيعة مصحوباً بلقطات للأنباء تقول : المذيعة : هاي شلة ! إليكم عناوين الأخبار - أمريكا ترصد 25 مليار دولار لرأس تامر بن محمد بن أسامة بن لادن المتهم الأول في تفجير قصر السفير الأمريكي في أفغانستان - واشنطن تتهم ليبيا بتفجير سفينة فضاء فوق كوكب المريخ - وزير الاقتصاد د. فريد يوسف بطرس غالي يصرّح : إعدام الفقراء هو الحل لخروجنا من عنق الزجاجة - موافقة مجلس الشعب أخيرا على خصخصة معبد الكرنك أخبار عربية : - زهوة ياسر عرفات تطالب بانسحاب إسرائيل حتى حدود عام 2030، وإعلان الدولة الفلسطينية في مايو المقبل - إسرائيل ترفض الإنسحاب من البصرة إلا بعد ضمان أمن مستوطناتها في بغداد - اشتباكات على الحدود الإسرائيلية المغربية أخبار الفن - زفاف المطربة صباح على حفيد الفنان الراحل راغب علامة - رئيسة قطاع الإنتاج لم يستقر بعد على بطلة فوازير رمضان ويعقد إجتماع مع السيدة توتي محمد صفوت الشريف وزيرة الإعلام الجديدة لمناقشة هذه القضية - الفنان محمد هنيدي يهاجم نجوم الكوميديا الجدد  المذيعة : فينيش باي  ] الجدة : لأ بقى حسبي الله ونعم الوكيل فيكم فعلا (يغمى عليها) الحفيدة : تيته..تيته إيه دا ؟.. دي ماتت ..يلا خدت الشر وراحت ماهى عايشة بقالها كتير دى حتى وجعتلى دمااااغى يلا اما اروح انا بقا اشوف صاحبى زمانة هيعوز يفطر اما اقوم اطلبلة 2 كيلو لحمة احصنة مع انها غالية بس متغلاش علية بابى بابى تعالى شوف تيتة شوف هتدفنها فين؟بفكر تطلعها كوكوب الزهرة فى الترب الجديده اللى اشتريتها سى يو دادى:bleh::bleh: الموضوع الأصلي: فتح الروابط و تحميل اغنية ام بي ثري ومشاهدة صورة و تحميل برنامج ومشاهدة مقاطع يوتيوب و اليوتيوب يستوجب اضافة رد اولا تقديرا لكاتب الموضوع || الكاتب: فتح الروابط و تحميل اغنية ام بي ثري ومشاهدة صورة و تحميل برنامج ومشاهدة مقاطع يوتيوب و اليوتيوب يستوجب اضافة رد اولا تقديرا لكاتب الموضوع || المصدر: فتح الروابط و تحميل اغنية ام بي ثري ومشاهدة صورة و تحميل برنامج ومشاهدة مقاطع يوتيوب و اليوتيوب يستوجب اضافة رد اولا تقديرا لكاتب الموضوع فتح الروابط و تحميل اغنية ام بي ثري ومشاهدة صورة و تحميل برنامج ومشاهدة مقاطع يوتيوب و اليوتيوب يستوجب اضافة رد اولا تقديرا لكاتب الموضوع
__________________ DR\AHMED ELISMAILIAWY |
|  |
|
11-05-2008, 09:14 AM
| #2 (permalink) |
| °●[ عضو فعال]●° تاريخ التسجيل: 25 - 5 - 2008
المشاركات: 414
معدل تقييم المستوى: 96
| ismailiawy ههههههههههههههههههههههههه يعطيكي العافيه على القصه الحلوووه والله يكفينى الشر الله لا يجعلني اشوف احد من اهلي او من عيالي او من احفادي مثل هالمواااااااقف الله يجعلني اموت قبل لا اشوف هالمواقف وتسلمي علىالموضوع بس اللي حاب اني اعلمك عليه انوو هذا مو القسم المناسب له دمتي بووود عزيزتي
__________________  يسلمو ^^ عزوووفه^^ ع التوقيع |
|
| |
 |
| مواقع النشر (المفضلة) |
| الكلمات الدلالية (Tags) |
| 2085!!!, حوار, سنــه, وحفيدتها |
| أدوات الموضوع | |
| انواع عرض الموضوع | |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| حوار مع دمعة | الجوهره | الاسلام - العقيدة - الدين - الصحابة - احاديث - ايات | 3 | 02-19-2010 02:56 PM |
| أ°®°حوار مع طفل°®°أ | .:: ICU ::. | صوتيات - مرئيات - شعر - قصائد مسموعة | 12 | 12-12-2009 09:26 PM |
| حوار شيّق | واااااااااااااو | الاسلام - العقيدة - الدين - الصحابة - احاديث - ايات | 13 | 06-19-2008 05:05 PM |
| حوار بين ذكر وانثى | "اميرة الورد" | قضية - نقاش - حوار - المجتمع | 4 | 06-14-2008 11:57 PM |
| حوار بين نحيف ودب !!! | عنووون المها | نكت - ضحك - وناسة - فرفشة - صرقعة | 2 | 05-11-2008 08:37 PM |
الساعة الآن 06:32 PM.
Powered by vBulletin® Copyright ©2000 - 2010, Jelsoft Enterprises Ltd. TranZ By
Almuhajir
كافة المواضيع والمشاركات في المنتدى لا تخص المنتدى إنما تخص صاحبها
