| |||||||
| قضية - نقاش - حوار - المجتمع اختلاف الراي لايفسد للود قضيه |
12-01-2008, 03:50 AM
| #1 (permalink) |
| آبعـد من نجوم آلثـريآ {محلي}  تاريخ التسجيل: 3 - 1 - 2008
المشاركات: 2,542
معدل تقييم المستوى: 286  
|  { انتحال الشخصيات ../ وتلاعب بسمعة واعراض الناس .. [ من خلال الشبكهـ العنكبوتيهـ]  صباحكم / مسائكم ورد معطر .. بشذى المحبهـ.. حابهـ اتكلم عن موضوع انتحال الشخصيات بالنت .. واتلاعب بسمعة واعراض الناس وطرحهـ للنقاش اعتقد الموضوع واضح ومايحتاج اي مقدمات .. بس راح اذكر قصتين حقيقيتين وهم يمثلون المقصد من الموضوع .. المراد مناقشتهـ  القصه الاولى فتاهـ محترمهـ من عائلهـ كريمهـ معروفهـ ولها مكانتها .. وكل الناس تشهد باخلاقهاالعاليهـ تحظى بالثقهـ التامهـ من المقربين لها .. وكانت دائماً قد هذهِ الثقهـ ولم تخذلهم بيوم في يوم من الايام .. وهي جالسهـ مع اهلها .. رن جوالها .. كانت وحدهـ من صديقاتها يادوب قالت: آلووو .. قالت لها صديقتها بدون مقدمات .. فلآنه ادخلي النت الحين ضروري البنت بداخلها تقول سلامات !! شسالفه؟! << ياغافلين لكم الله ادخلت النت وادخلت المسن .. قالت لها صديقتها: فلآنهـ تعرفين هالايميل ؟! البنت : اممم لحظهـ مو متأكدهـ .. شيكت على الايميلات الي عندها .. وردت عليها .. ايهـ اعرف صاحبة الايميل بس من زمان عنها ماتدخل .. وماكلمتها من زمان ليه؟ صديقتها : انتي تعرفين البنت يعني ؟ البنت : ايه اعرفها كانت زميلتي بالمدرسه .. ليه ؟ صديقتها : بينج وبينها كراهيه ؟ زعل ؟ اي شي يعني ؟ البنت : لا والله مابيني وبينها الاكل خير .. فلانه ماصارت وش صاير ؟ صديقتها : بقولج شي والله مايتصدق .. بس البنت هذي متقمصه شخصيتج .. بالنت .. وتسولف مع الكل على انها فلانه بنت فلان .. ومو كذا حتى بالمعلومات الي بالايميل مسجله بالبيانات .. فلانه بنت فلان الفلاني .. يعني من ترسل لحد وهو مايعرفها .. يفكرها انتي .. والله العالم من معاها باميلها .. وعلى فكره ترى هي موجوده الحين البنت :وهي بـ حالة صدمه وانبهار .. سكوت .. موجوده ؟! بس عندي مو جوده ؟ معقوله هي ؟ وليه منتحله شخصيتي ؟! الصديقه : والله مدري شهالصدفه الي خلتني اضيفها .. وانا من ضفتها شاكه .. كل البيانات الي تعطيني اياها لي سالتها اساله شخصيه .. تكون مطابقه لج .. بس يوم جاني ايميل منها ومكتوب الاسم والله استغربت وقلت السالفه فيها خلل .. وقلت اتاكد .. ويوم طلعتي تعرفينها تاكدت انها متعمده تاخذ شخصيتج ..بس ليه مدري .. وعلى فكره ترى الي فهمته من كلامي معاها .. ان عندها شباب من المنتدى بالمسن .. البنت : << وهي منبهره بكل الكلام واللي يصير .. فلانه لو سمحتي ممكن اتضيفيني محادثه جماعيه ؟! صديقتها : اوكي البنت : << ادخلت المحادثه .. بكل برود .. السلام عليكم يافلانه؟ البنت المنتحله الشخصيه : .. وعليكم السلام هلا والله عارفه اسمي ؟ بس ماتشرفت باسم الكريمه ؟ البنت : شدعوه يافلانه؟ شوفي الاميل وانتي يمكن تذكريني البنت المنتحله الشخصيه : سكوووووووووت وفصلت المحادثه وطلعت من المسن بكبره البنت : على طول دقت رقم البنت هذي وهاوشتها وسفلت فيها .. بس تبي تعرف ليه سوت فيها كذا .. وانها لو انها عدوتها ماسوت كذا وتلاعبت بسمعتها بهالطريقه الرخيصه ومن صراخ البنت جوها خواتها حريم خوانها .. متعجبين ليه تصرخ وتهاوش ؟ وشاله الدنيا ؟ سكرت السماعه وتلبس عباتها بتروح البيت البنت تبرد الباقي من حرتها << الاهل بحالت تعجب شسالفه ؟ البنت قالت لهم السالفه وهي فيها حره وصدمه .. وتبكي ان شلون فلانه الي كانت عادتها صديقه تسوي كذا ؟ هدوها ومنعوها تطلع .. وقالوا لها لاتسوين فضيحه انتي بغنى عنها .. واللي يبوق مايخاف يافلانه .. والشمس عمرها مايغطيها منخل والكل عارفج وعارف اخلاقج .. وبعدين لو دروا خوانج بالسالفه .. انتي الي بتروحين فيها مو هي ليه سوت فلانه كذا الا اكيد في شي ومن هالكلام .. ردت البنت .. وانا مو ذابحني ان اهلي وخواني عمرهم ماكانت فيهم الشينه .. والحين تجيهم من شي انا ماسويته ومالي دخل فيه ؟ لو صار بيوم وحد تكلم بمجلس فلانه بنت فلان .. اعرفها ومعاي بالمسن او اكلمها وانا والله مالي بهالسوالف .. شيكون موقفي ؟ او الموقف الي ينحطون اخواني فيه ؟ المهم سكتوا وهدوها .. ومن هالكلام .. بس البنت البنت ماسكتت .. وكلمة اهل البنت وقالت لهم عن سالفة بنتهم .. وطبعا اهلها تصرفوا معاها سبحان الله الدنيا صغيرهـ .. كيف ربي ردا صديقة هالبنت تضيف هالانسانه المنتحله الشخصيهـ .. وربي يكشفها على حقيتها .. وينبه هالبنت من هالانسانه وانها توضح الصوره .. قبل لايصير شي هي بغنى عنهـوماتدري عنهـ بالاساس .. وتنظلم بسبته القصه الثانيهعضو وعضوه تربطهم اخوه بمنتدى .. وماتعدى حدود المنتدى ارسل لها هذا العضو بيوم .. فلانه ممكن اضيفج ؟ وترى ماقصدي شي من هالاضافه .. وانتي اخت عزيزه ردت العضوه .. وانت اخو غالي بس اسمح لي الشيخ .. خلنا اخوان بحدود المنتدى رد عليها .. ابشري .. وانتي اخت غاليه .. واتمنى ماتاخذين بخاطرج من الطلب .. وانسيه وانتهى الموضوع .. ومافتكرت العضوه .. وكانوا يتعاملون بشكل طبيعي بعدها باسبوع .. تفاجأت البنت .. باضافه جايتها بالايميل .. والايميل نفسه اسم العضو ؟!!!!!!!! اقبلت الاضافه .. العضوه : من ؟ الشخص المضاف : ماعرفتيني يافلانه ؟ العضوه : معقوله انت فلان ؟ الشخص المضاف : ايه انا فلان العضوه : من وين جبت الايميل ؟ وباي حق تضيفني ؟ الشخص المضاف : الي يبي شي يجيبه .. بحق اني ابي اتعرف عليج العضوه : في داخلها مستغربه من هالاسلوب معقوله هذا فلان ؟ ماصدق .. فلان بغاية الاحترام والادب .. ومستحيل يحط نفسه بهالموقف او يتصرف هالتصرف قالت لو سمحت عطني بلوك ودليت .. لاني بسوي الشي نفسه الشخص المستخدم : ومن انتي تعطيني بلوك ودليت .. ومن هالكلام البنت : ؟؟؟؟؟؟؟ اوك وعطته بلوك ودليت وهي بحالة ذهول وارسلت للاداره .. وقالت الي صار .. عشان مايتعرف لها مره ثانيه الاداره كانت حكيمه .. وقالت هاتي الايميل الي اضافج .. واحنا نشوف الموضوع طبعا العضو هذا شخصيه معروفه بالمنتدى والكل يشهد باخلاقه واحترامه .. ومستحيل يجي منه مثل هالتصرف باليوم الثاني وهي بالمدرسه .. جوها صديقاتها: هاه فلانه اخبار فلان ؟ العضوه :؟؟؟؟ << ماقالت لهم سالفة الاضافه ولا بيوم جابت طاريه قدامهم ؟! تقول بقلبها شسالفه ؟ وخاصه ان الاضافه كانت امس قالت العضوه : شسالفه ؟ قاموا صديقاتها يضحكون .. وقالوا لها انها كانت لعبه منهم ومزحه .. ويبون يشوفون ردة فعلها .. لانهم يلاحظون فلان معجب فيها من خلال اردوده بالمنتدى ؟! العضوه دمعت عينها .. : مزحه ؟ خليتوني اتبلى على العضو .. واشوه سمعته وتقولون مزحه ؟ شموقفي قدامه او قدام لاداره ؟ وقامت عنهم وتنتظر بس ترجع البيت .. وتكلم الاداره .. قبل لاتحنط بموقف لاتحسد عليه .. زود عن لاحراج الي حاسه فيه المهم ارجعت وعلى طول قالت الي صارللاداره .. طبعا الاداره شدت عليها مع ان مالها ذنب بس راعوا موقفها واسئلوها ان كانوا صديقاتها موجودين بالمنتدى .. قالت لهم في وحده منهم موجوده .. وتم توقيف عضويتها بدون اي نقاش .. لانها تقمصت شخصية عضو وبطريقه غير لائقهـ << والله الطرد شوي عليها وعلى فكره سالفة الاضافه باسم فلان جات صدفه بعد سالفة طلبه للايميل منها .. وهي ماقالت لهم عن طلبه .. ولا قد تكلمت عنه قدامهم .. لا كعضو حاله حال غيره والعضوه طبعا ماعادت تدخل المنتدى لاحساسها بعظم الشي الي صار مع انها مظلومه حالها حال العضو الي ظلموهـ صديقاتها بفعلتهم انتهت القصتين القصه الاولى : ..انتحال اشخصيه معروفه بشخصها وليست رمزيه او نك من خلال شاشات .. والانتحال كان فيها متعمد من خلال الشبكهـ العنكبوتيهـ القصه الثانيه : .. انتحال الشخصيه رمزيه .. بس معروفه بعالم النت المحيط فيهـ .. وكانت بغرض المزح السامج يا هل تُرى لهالدرجه اصبحت سمعة واعراض الناس هينه .. وسهل التلاعب فيها بالنسبه للبعض ؟ سواء كانت بصورهـ مباشرهـ او لا ؟! على فكره .. اصحاب هالقصتين .. اعرفهم يعني مو قصص منقوله او من وحي الخيال .. والمجال متروك لكم الان للتعليق والنقاش تم طرح الموضوع .. بقلمي  ` الـ ج ــوري` الموضوع الأصلي: فتح الروابط و تحميل اغنية ام بي ثري ومشاهدة صورة و تحميل برنامج ومشاهدة مقاطع يوتيوب و اليوتيوب يستوجب اضافة رد اولا تقديرا لكاتب الموضوع || الكاتب: فتح الروابط و تحميل اغنية ام بي ثري ومشاهدة صورة و تحميل برنامج ومشاهدة مقاطع يوتيوب و اليوتيوب يستوجب اضافة رد اولا تقديرا لكاتب الموضوع || المصدر: فتح الروابط و تحميل اغنية ام بي ثري ومشاهدة صورة و تحميل برنامج ومشاهدة مقاطع يوتيوب و اليوتيوب يستوجب اضافة رد اولا تقديرا لكاتب الموضوع فتح الروابط و تحميل اغنية ام بي ثري ومشاهدة صورة و تحميل برنامج ومشاهدة مقاطع يوتيوب و اليوتيوب يستوجب اضافة رد اولا تقديرا لكاتب الموضوع
__________________  |
|  |
|
12-01-2008, 11:18 AM
| #2 (permalink) |
| .:: المراقب العام ::. عينك في عيني  تاريخ التسجيل: 2 - 12 - 2007
المشاركات: 4,818
معدل تقييم المستوى: 426 
|  رد: { انتحال الشخصيات ../ وتلاعب بسمعة واعراض الناس .. [ من خلال الشبكهـ العنكبوتيهـ] انا مستغرب ان القصتين ابطالها بنات بالنسبه للقصه الاولى مافيه اي حجه او سبب يجعل اي شخص ينتحل شخصية غيره اما اذا كانت للتشويه وخاصة في العرض فهذي الانحطاط والخسه والنذاله بعينها والله القتل اهون من لتشويه اعراض الناس واللي يتجرأ لمثل ذا الشي اتوقع وصل لمرحلة الحقاره اما القصه الثانيه استهتار مع غباء وسوء تقدير بالنتيجه وفي كل الحالات الواحد قبل يشوه سمعة احد او يعتدي على عرضه يفكر في امه في اخته في زوجته في بناته والله العظيم ليحلق عرضه سوء مثل ما اساء لعرض الناس وعلى فكره الجوري القصص اللي ذكرتيها تعتبر اقل طريقه اذا ماقسناها بوسائل التكنلوجيا الاخرى ... واللي نسمع عنها و نشاهدها واقل دافع << حدث ولا حرج بعضهم يكون متعمد وفرحان ويتفشخر الشي اللي ابي اعرفه من هؤالاء الاشخاص وين عقلك وخوفك من الله وقتها مااقول الا الله يستر على بناتنا ويكفينا شر الناس يعطيك العافيه ... الجوري مع التحيه
__________________  |
|
| |
|
12-01-2008, 06:29 PM
| #3 (permalink) |
| V!P تاريخ التسجيل: 31 - 12 - 2007
المشاركات: 3,476
معدل تقييم المستوى: 299
| رد: { انتحال الشخصيات ../ وتلاعب بسمعة واعراض الناس .. [ من خلال الشبكهـ العنكبوتيهـ] حسبي الله ونعم الوكيل .. ! القصة الآولى آعظم من الثآنيه .. فيهآ شرف ..سمعه .. وآهل !! آعوذ بالله صدق نآس ماعندهم ذرة دين .. آعرف لك سآلفه من بنت حكت لنآ القصه بنفسهـآ .. كآنت مره بالسوق هي وخوآتهـآ .. جتهم وحده رآحت لبنت آختهـآ الصغيره .. قالت لها قولي لآبوك ترى مآمآ تكشف بالسوق .. !! والبنت الصغره تقولها طيب ماتدري وش السالفه .. جت البنت اللي حكت لنا السالفه وتشوف ذا البنت تروح عن بنت اختها !! راحت لبنت اختها سآلتها ايش تبي منهآ ذي الحرمه .. قالت انها تقولي قولي لآبوك ترى ماما تكشف ...الخ مع العلم ان الآم كآنت محتشمه ومغطيه كل آبو شي ! من حرتهـآ راحت تركض تدور هالبنت بالسوق لكن طآرت منهم .. شنو تبي ولا وش تعرف عنهـآ !! وش بينها وبين آختهآ !! دنـآءه من الباب للطاقه .. آعوذ بالله نآس مافي لا ذمه ولا ضمير .. بفعلتهم يهدمون بيوت ويشتتون آطفـآل .. " ولا تحسبن الله بغآفل عمآ يعمل الظآلمون " عوآفي الـ ج ــوري  خيتكـ/ FoFo6rb
__________________ : ~ آللّـهم آغفر لآبوي عبدالعزيز وآرحمه ..,, وآسكنه فسيح جنآتك : : { رحمك الله يآجدي } : |
|
| |
|
12-02-2008, 11:58 AM
| #4 (permalink) | |
| آبعـد من نجوم آلثـريآ {محلي} تاريخ التسجيل: 3 - 1 - 2008
المشاركات: 2,542
معدل تقييم المستوى: 286
| رد: { انتحال الشخصيات ../ وتلاعب بسمعة واعراض الناس .. [ من خلال الشبكهـ العنكبوتيهـ] مــ ــا ج ــ ــد Hay000f تسلمون على مروركم .. وابداء ارائكم .. وبالنسبه لـ تعليق اخوي مــ ــا ج ــ ــد
هي الاطراف ممكن تكون بنات او شباب وبنات او شباب مع بعضهم ..ولاتستغرب من القصتين.. لانهم قطرهـ من بحر قصص تصير بالنت وللاسف ابطالها بنات ..يعني لو انها ولد ونقول يبي ينتقم من بنت لاي سبب كان .. ممكن تدخل العقل شوي .. بس بنت اتعرض السمعة بنت بدون سبب ؟! ولاسباب مايعلم فيها الا الله .. ومهما كانت ماتكون بسمعه .. حتى لو كانت لاناس مجهوله ومعروفه بنكات بدون اسماء .. وممكن تمتد لحياة الواقع .. وهذا الي خلاني اذكر القصتين ليه البنت اتعرض البنت .. سواء بشكل متعمد او بغرض مزح ماله داعي ..والموضوع له اكثر من طرف وجانب .. ومو مختص بالبنات فقط. وبالنسبه للقصه الاولى انا ذكرتها متعمده دون غيرها .. لان صاحبة القصه مالها اي علاقه مع المنتحله شخصيتها الا بالحياه الواقعيه وليس بعالم النت .. يعني مايربطها فيها بالنت اي منتدى او موقع او اي شي غير المسن والي حتى ماشافتها فيه من مده طويله يمكن تمتد للسنه .. والغرض من القصه هو ليه انا اتلاعب بسمعة ناس مالي معاهم اي عداوه او احتكاك .. واتعمد اشوه سمعتهم بنتحالي هالشخصيه بالنت .. ؟! وعلى اساس محد بيعرفني انا من .. واني مجرد نك من النكات الموجوده .. واني منتحله شخصية فلانه .. يعني لو ربي ماراد يكشفها شكان بيصير بتكمل لعب بسمعة فلانه .. الله يعين ويرحم الحال بس هالقصه عرفنا ان فيها فلانه تعرف فلانه بصوره مباشره .. وسوت اللي سوته .. بس في ناس ماتعرف بعضها الابالنت ومع ذالك اتعمد تشوه صورة بعضها بالنت وخارجه .. ليه ؟! شالسبب ؟! وبعد عندي قصه بعد اطرافها بنات .. عشان اقولك بس لاتستغرب ان اغلب المصايب تجي من البنات مع بعضهم البعض .. الله يكفينا الشر .. ومو معنى كلامي اني متحامله على البنات .. لا في قصص يكون طرفها شاب .. وممكن يكون المظلوم شاب ..من قبل بنت .. يعني تشويه السمعه يشمل الثنين وممكن يتعرضون له بعالم النت .. بس شي غريب بنت اتعرض السمعة بنت .. هذي قصه ببين لك فيها تعرض بنت السمعة بنت ماتعرفها الا من خلال عالم النت وبتحديد بمنتدى وماتعدى المنتدى الي هم فيه وحتى مابينهم ذاك الاحتكاك بالمنتدى .. والعضوه اللي منتحله الشخصيه هي بمنصب اشرافي بالمنتدى .. والعضوه الثانيه عضوه عاديه .. العضوه المنتحله الشخصيه صارت مسويه لها صفحه باحدى المواقع بدون ذكرها وهي مشهوره واتنزل فيها صور .. وصارت مسجله باسم هالعضوه وانها بالمنتدى الفلاني .. وانها تعرف فلانه وفلانه يعني تقمصت الشخصيه صح حتى بكلامها وتعابيرها .. وطبعا اعضاء كثير من المنتدى يدخلون هالموقع ومشتركين .. وكانوا يتراسلون معاها على اساس انها فلانه .. لين اهنا الواحد ماعنده تعليق .. بس ان الموضوع يطور وترسل العضو مشترك بالموقع وهو معاهم بالمنتدى نفسه .. رقمها وتقول انها بتسافر بهالفتره .. وتبي اتواصل معاه يعني بالله الواحد شيقول اهنا ؟! وصارت هالبنت اغلبهم يتجنونبها بالمنتدى وبدون سبب وهالعضوه المنتحله الشخصيه تمادت وصارت توزع ارقام بالبلوتوث على اساس انها هالعضوه .. اللي بالمنتدى .. في كذا مكان .. وصارفي مجلس واحد من الشباب اللي موجودين بالمنتدى .. انهم تكلموا عن هالعضوه .. وعن سالفة رقمها الي منتشر .. وان سمعة هالبنت زفت ومن هالكلام وكان في شاب من اللي بالمجلس يعرف ناس تعرف هالعضوه ومعاها دايم راح يسالهم تعرفون فلانه ؟ وتعرفون اخلاقها اكيد ؟ المهم وقام يحذرهم منها .. وان سيرتها بالمجالس .. ؟! بالله لهالدرجه سمعت الناس وان كانت نكات هينه .. المهم وتمو الي حوالينها واللي يعرفونها واقفين جنبها .. لين ماعرفوا من ورا الموضوع .. بالله هذي الواحد شلون يتصرف معاها ؟ وهو مايعرف شخصيتها الحقيقيه ؟ عشان يتم تأديبها ؟ والرقم صاحبه مجهول الهويه لانه مو بسم البنت او حد من اهلها ..والله الواحد مايعرف شيقول .. الا الله يستر علينا وعلى بنات المسلمين .. وياخذ حق كل مظلوم .. انظلم بدون وجهـ حق .. وبعد ترى القصه مو منقوله واعرف صاحبتها ممكن البعض يشوفني متحمسه للموضوع .. بس جد شي يقهر .. ويمكن لاني اعرف هالشخصيات اللي بالقصص .. اللي ذكرتها.. بس ليه الواحد يتلاعب بسمعة الناس .. وانا حتى ممكن ماعرف اسمائهم ؟ او اني ممكن اعرفهم .. بالواقع .. وما الاقي الا النت كوسيله للتشهير فيهم .. ؟! وهم مابينا وبينهم اي عداوه .. او احتكاك .. Hay000f الله يعين يالغلااا .. ومثل مايقولون مكثر ماتجيك التهايم وانت نايم .. وصدقتي .. " ولا تحسبن الله بغآفل عمآ يعمل الظآلمون " والله يستر علينا وعلى جميع المسلمين .. ويكفينا شر النفوس الضعيفهـ لاعدمت تواجدكم .. ولاروعة تواصلكم بـ كل الود ` الـ ج ــوري`
__________________ | |
|
| |
|
12-04-2008, 06:45 PM
| #5 (permalink) |
| V!P تاريخ التسجيل: 4 - 8 - 2008
المشاركات: 4,543
معدل تقييم المستوى: 296
| رد: { انتحال الشخصيات ../ وتلاعب بسمعة واعراض الناس .. [ من خلال الشبكهـ العنكبوتيهـ] السسلآم عليكم ورحمه الله وبركآتهـ .. اتمنى ـآ أختي الجووري تسمحين لي بهالمدآخله البسيطه والمتوآضعه ،، بجد انا مستغرب مثل اخووي مآجد ان ابطآلهآ بنآت .. ! واللهي الى اللحين مآني مصدق أنهم بنآت .. أنا اخبر الاولاد هم رآعين هالحركآت مو البنآت .. بأنتحآل الشخصيآت والتلاعب والكذب وكل شي .. ! انا مالي اي تعليق بالقصه الاولى ـآ .. لآني مستغرب من الحركآت السآلفه والبجييحه .. أمآ القصه الثآني .. في هالحركآت مششهوووره مررره .. يعني يجييك ولد يسوي ايميل بنت ويضيفني عليه يشوفني كآني حق بنآت او لآ ؟ واللهي في بعضهم يصدقون هالكلام مثلآ يقول انا أحبك ومدري ايش ومن هالكلا ... الخ .. لكن القصه هذي صرآحه قوويه لو اني منهآ ما افكر ادخل المنتدى ابدآ ،، بحق حرآآم .. عشآن استهبآل مآصل وتآفه شوفي كيف وقعت البنت بهالاحرآج الكبيير  وشوفي كيف صآرت النتيجه ؟ ومن غبآئهم الزآيد واستهبآلهم اللي ماله اي معنى ـآ ولآ فآيده ..واللهي حرآم يتلآعبون بالهشكل بفتنه وأعرآض النآس .. شلوون بس طآوعتهم قلووبهم بس على كذآ صح استهبل لكن بحدود مو للدرجه هذي يعني تمزح مع مزحه بسييطه لكن مو قد هالمزحه السآذجه التآفه و بالوقآحه هذي ،،وبصرآحه للحين مو دآخله بمخي أن البنآت ابطآل القصتين ..  اتمنى ـآ اني نآقشت منآقشه فيهآ فآئده علينآ وعلى الجميع .. الجووري .. يعطيك الف عآفيه بصرآحه انسجمت مع القصص ربي لا يحرمنآ من منآقشآتكـ .. الله يحفظنآ ويحفظك ويحفظ بنآت وشبآب المسلمين آمين يآرب من التلاعبآت والانتحآلاآت موفقهـ اختي
__________________ . لآ حول ولآ قوه الا بالله  . |
|
| |
 |
| مواقع النشر (المفضلة) |
| الكلمات الدلالية (Tags) |
| الشبكهـ, الشخصيات, العنكبوتيهـ], الناس, انتحال, بسمعة, خلال, واعراض, وتلاعب |
| أدوات الموضوع | |
| انواع عرض الموضوع | |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| صور الشخصيات الحقيقيه من كونان | وردة الجوري دودو | صور - خلفيات - كاريكاتير - مناظر - عجائب - غرائب | 2 | 02-07-2010 05:45 AM |
| ZBrush v3.5 لتصميم الشخصيات والتعامل مع الوجوه بسهولة | tedata | برنامج - برامج كمبيوتر - برامج حماية - تحميل برامج - xp - vista | 0 | 11-27-2009 08:15 PM |
| Hay000f من كبار الشخصيات VIP | admin | اخبار المنتدى والترقيات | 0 | 08-11-2008 11:52 PM |
| أنماط من الشخصيات يجب الانتباه إليها عند الزواج ...! | мίss όςтόвεя | الطفل - الرضاعة - التربية - الأسرة - الحياة الزوجية - الزواج | 10 | 08-01-2008 03:48 PM |
| اشهر الشخصيات في العالم | مــ ــا ج ــ ــد | صور - خلفيات - كاريكاتير - مناظر - عجائب - غرائب | 6 | 03-15-2008 09:53 PM |
الساعة الآن 11:26 PM.
Powered by vBulletin® Copyright ©2000 - 2010, Jelsoft Enterprises Ltd. TranZ By
Almuhajir
كافة المواضيع والمشاركات في المنتدى لا تخص المنتدى إنما تخص صاحبها
