يا تاركن حبي على الله كني أبعد من نجوم السما وأقرب من ثيابك
يا عساك ويا عساني ويا عسانا ويا عسا الله
يا عسا الدنيا تموت ولا يعيش الا ترابك
يا أحبك وأعشقك وأهواك والا يفتح الله
ما تعودت أفتخر باحساسي الا تحت بابك
ايه أحبك والقضيه واضحه والشاهد الله
يطرد المظلوم خصمه وانت خصمي يا هلا بك
يا هلا بك يوم تجرح خافقي ويسامح الله
يا هلا بك يوم تلحق غيمتي وألحق سرابك
جابك الله في حياتي يا حياتي جابك الله
ليش مدري وين مدري كيف مدري بس جابك
كل ما قلت ابتدنا في المحبه قلت يالله
ما دريت ان النهايه بين بعدك واقترابك
احسبني كل شي في عيونك يعلم الله
واثر عينك مستعفه ما تحب الا حجابك
انظلمت ولا شكيت ولا تركت الأمر لله
كان همي انتظر باقي عذابك في عذابك
الله الله انتبه واحذر وفكر والله الله
مثل ما أحسب حسابي في هواك احسب حسابي
ما طلبت المستحيل ولا رجيتك شي لله
ما طلبتك ارتفع من حجرتي واسكن سحابك
يصرخ القلب المعذب يالمعذب وكل الله
شاب حبك في عيوني وانت توك في شبابك
رحت شي وجيت شي مختلف يا حسبك الله
تصدق اني ما بغيت اجلس مع حضرت جنابك
غيرك ذاك الزمان ويا زماني منك لله
ليش ما غيرت فيني شي يوم اني أهابك
ليش ما علمتهم عن قصتي وتوحد الله
يعرفون انك سؤال ويعرفون اني جوابك
ويعرفون اني حلفت ولا عرفت أغلا من الله
والله انه راح مني نصف عمري في غيابك
يا عسانا 
